ឈឺពីការអង្គុយយូរ ប្រឈមនឹងហានិភ័យជំងឺឌីសឆ្អឹងខ្នងចុះចូលលើសរសៃប្រសាទ

តើជំងឺឌីសឆ្អឹងខ្នងចុះចូលលើសរសៃប្រសាទ កើតមកពីអ្វី?

ឌីសឆ្អឹងខ្នងដូចជាឧបករណ៍ស្រូបឆក់ ដែលជួយទប់ស្កាត់កម្លាំងបុកចាប់ពីឆ្អឹងខ្នងមួយទៅមួយ ឲ្យខ្នងអាចផ្លាស់ទីបានបត់បែន។ ប៉ុន្តែពេលអាយុច្រើនឡើង ឌីសឆ្អឹងនេះនឹងចាប់ផ្តើមខូច ធ្លាក់ចុះ និងបាត់បង់សមត្ថភាពបត់បែន ដែលអាចធ្វើឲ្យវាផ្លាស់ទីពីទីតាំងដើម ហើយចុះចូលលើសរសៃប្រសាទ។

ទោះបីជាការចាស់អាយុជាហេតុបណ្តាលមួយនៃការខូចឌីសឆ្អឹងខ្នង ក៏ដោយ ប៉ុន្តែអាកប្បកិរិយារបៀបរស់នៅរបស់មនុស្សវ័យធ្វើការវិញជាអង្គធាតុបង្កើនឲ្យបញ្ហានេះកើតឡើងលឿនជាងមុន។ ជាពិសេសការអង្គុយធ្វើការមុខកុំព្យូទ័រយូរ ការអង្គុយប្រជុំជាប់ៗគ្នា ឬការប្រើទូរស័ព្ទចល័តក្នុងទម្រង់ដដែលៗជាញឹកញាប់ រួមទាំងការលើកវត្ថុធ្ងន់ខុសវិធី ទាំងអស់នេះធ្វើឲ្យឆ្អឹងខ្នងទទួលបន្ទុកធ្ងន់ឡើងដោយមិនដឹងខ្លួន។

ពីរោគសញ្ញាឈឺខ្នងរ៉ាំរ៉ៃ… ទៅដល់ជំងឺឌីសឆ្អឹងខ្នងចុះចូលលើសរសៃប្រសាទ

នៅដំណាក់កាលដំបូង ឌីសឆ្អឹងខ្នងដែលខូចនឹងចាប់ផ្តើមធ្លាក់ចុះ។ ប្រសិនបើទុកឲ្យយូរ វាអាចផ្លាស់ទីពីទីតាំង និងចុះចូលលើសរសៃប្រសាទ បណ្ដាលឲ្យមានរោគសញ្ញាឈឺរីកចុះទៅជើង ឬដៃ។ មនុស្សជាច្រើនយល់ខុសថាត្រូវតែឈឺខ្លាំងទើបគ្រោះថ្នាក់ ប៉ុន្តែនៅជាក់ស្តែង ទោះបីរោគសញ្ញាមិនខ្លាំងក៏ដោយ បើមានរោគសញ្ញារីកចុះជើង ខ្សោយកម្លាំង ឬស្ពឹក នោះអាចជាសញ្ញានៃជំងឺឌីសឆ្អឹងខ្នងចុះចូលលើសរសៃប្រសាទ។ ប្រសិនបើមិនបានព្យាបាល អាចធ្វើឲ្យសរសៃប្រសាទខូចអចិន្រ្តៃយ៍ និងប្រឈមនឹងហានិភ័យឈឺពាក់កណ្តាលខាង ឬខ្វិន ក៏ដូចជាការបាត់បង់សមត្ថភាពគ្រប់គ្រងប្រព័ន្ធបញ្ចេញអាការៈ។

អាចប្រៀបធៀបបានយ៉ាងសាមញ្ញថា សរសៃប្រសាទដូចជាស្មៅ។ ប្រសិនបើត្រូវបានដើរលើត្រឹមពេលខ្លី វានឹងអាចស្ដារឡើងវិញបាន។ ប៉ុន្តែបើត្រូវបានចុចសង្កត់ជាបន្តបន្ទាប់យូរៗ ស្មៅនឹងចាប់ផ្តើមលឿង ហើយស្លាប់។ ដូចគ្នានេះ សរសៃប្រសាទដែលត្រូវសង្កត់យូរៗ កោសិកាប្រសាទនឹងខូច ហើយមិនអាចស្ដារវិញបានទៀត។

ប្ដូរអាកប្បកិរិយា ដើម្បីកាត់បន្ថយហានិភ័យជំងឺឌីសឆ្អឹងខ្នងចុះចូលលើសរសៃប្រសាទ

ការថែទាំ និងការការពារចាប់តាំងពីដើម អាចជួយកាត់បន្ថយហានិភ័យនៃជំងឺឌីសឆ្អឹងខ្នងចុះចូលលើសរសៃប្រសាទបាន។ ចាប់ផ្តើមពីការជៀសវាងអង្គុយជាប់គ្នាយូរៗ គួរតែឈរ ឬលាតសន្លាយរាងកាយរៀងរាល់ ៣០–៦០ នាទី ដើម្បីកាត់បន្ថយសំពាធលើឆ្អឹងខ្នង។

បន្ថែមពីនេះ ការជ្រើសរើសកៅអីដែលគាំទ្រតាមសរីរាង្គ និងកែសម្រួលកម្ពស់ឲ្យសមរម្យ នឹងជួយឲ្យឆ្អឹងខ្នងស្ថិតនៅក្នុងទីតាំងត្រឹមត្រូវ និងកាត់បន្ថយបន្ទុកលើឌីសឆ្អឹង។

មូលហេតុសំខាន់ទៀតគឺ ការធ្វើលំហាត់ប្រាណទៀងទាត់ ដូចជា អ៊ូយទឹក យូហ្គា ឬ ពីឡាទីស ដែលជួយបង្កើនកម្លាំងសាច់ដុំខ្នង និងសាច់ដុំចម្បងនៅកណ្ដាលខ្លួន ធ្វើឲ្យឆ្អឹងខ្នងមានស្ថិរភាពកាន់តែច្រើន ហើយកាត់បន្ថយហានិភ័យនៃការចុះសង្កត់សរសៃប្រសាទរយៈពេលវែង។

ការធ្វើរោគវិនិច្ឆ័យ និងបច្ចេកវិទ្យាព្យាបាលដែលមានភាពត្រឹមត្រូវកាន់តែច្រើន

បើមានរោគសញ្ញាឈឺខ្នងរ៉ាំរ៉ៃ ការជួបវេជ្ជបណ្ឌិតឯកទេស និងធ្វើរោគវិនិច្ឆ័យចាប់ពីដើម អាចជួយឲ្យព្យាបាលបានត្រឹមត្រូវ។ វេជ្ជបណ្ឌិតភាគច្រើនប្រើ X-ray និង MRI ផ្គូផ្គងគ្នា ដើម្បីកំណត់ទីតាំងដែលឌីសឆ្អឹងខ្នងចុះសង្កត់សរសៃប្រសាទ។

បើចាំបាច់ត្រូវវះកាត់ វិធី Minimally Invasive Surgery (MIS) ឬ ការវះកាត់ផ្តាច់ស្នាមតូច គឺជាជម្រើសដែលជួយកាត់បន្ថយការរងរបួសសាច់ដុំជុំវិញ ដោយប្រើកាមេរ៉ា endoscope ទំហំស្មើចុងប៉ាក់កា ជួយឲ្យវេជ្ជបណ្ឌិតអាចចូលដល់ចំណុចដែលត្រូវបានចុះសង្កត់ដោយភាពត្រឹមត្រូវ។ អ្នកជំងឺភាគច្រើនអាចត្រឡប់ទៅផ្ទះបានក្នុងរយៈពេល១ថ្ងៃបន្ទាប់ពីវះកាត់។